Ola internauta!
Benvido ao blogue de Galiza Nova Ferrol, desde aquí as mozas e mozos que compoñemos a organización na nosa localidade irémosvos informando das actividades e dos traballos que esta organización realiza nesta preciosa cidade en todos os eidos relevantes para a mocidade ferrolá.
Para alén diso, tamén poderedes acceder dende aquí ao blogue comarcal e nacional, así como aos dos concellos que compoñen esta grande comarca.
Unha aperta e que vós goste!

sexta-feira, 5 de março de 2010


Dende Galiza Nova Ferrol queremos apoiar expresamente o noso máis rotundo apoio á campaña promovida polo BNG de Ferrol có lema "Mil Razóns contra o muro", e que, ao mesmo tempo, esta traballando como plataforma cidadá mediante a recollida de firmas, para permitir o acceso da cidadanía ao mar, (que xa vai sendo hora!).
Resulta intolerábel que, Ferrol, cidade integrada no mar, semelle ser unha vila de interior por mor dun muro que, hoxe, non é mais que un obstáculo.
Por un arsenal do povo, por un povo con mar!

quarta-feira, 20 de janeiro de 2010


As e Os membros de Galiza Nova Ferrol estaremos maña ás 11.30 en Santiago de Compostela participando na que, de seguro, será a manifestación do ensino mais grande na historia da Galiza.
A devandita manifestación, como ben sabedes, é convocada pola plataforma Queremos Galego para mostrarlle á Xunta o noso profundo rexeitamento ao decreto contra o Galego que nestes días, e baixo un cuestionábel marco legal, está a impulsar.
Dende esta organización, animamos a toda a sociedade ferrolá a participar na manifestación pois, o ensino, e algo que nos afecta a todos e é, ao mesmo tempo, un elemento fundamental para a transmisión da nosa lingua nacional.

sábado, 16 de janeiro de 2010

Dende Ferrol tamén paramos o decretazo!



A plataforma "Queremos Galego" ven de convocar hoxe, Sábado 16 de Xaneiro, unha pegada de cartaces da folga xeral do ensino do vindeiro día 21. Será ás 5 hras do serán, diante do edificio administrativo da Xunta de Galiza de Ferrol.
Nesta pegada organizada por Queremos Galego-Ferrolterra participaremos as principais organizacións integrantes na comarca (Galiza Nova, Comités Ferrol, XSG...)
Dende Galiza Nova Ferrol animámosvos a participar en devandita pegada, é tempo de loita, e a mocidade debemos saír á rúa defender a nosa lingua.

sábado, 2 de janeiro de 2010

NOVO BLOGUE!

Benqueridos leitores!
Dende Galiza Nova Ferrol estamos a crear este novo blogue como unha ferramenta de contacto con vós, mais estes días estará en construción, é por isto, polo que vos pedimos un pouco de paciencia, non ha tardar moito.
Unha aperta e felices festas!